Azərbaycan Dövlət Aqrar Universitetində tələbələrinin mühazirə və laboratoriya dərslərində əldə etdikləri nəzəri bilikləri təcrübə sahələrində sınaqdan keçirmələri artıq ənənəyə çevrilib. Müəllimləri ilə birlikdə ərazilərdə olan tələbələr bir qayda olaraq auditoriyalarda öyrəndiklərini təcrübəyə tətbiq edir və araşdırmalar aparırlar.

Təhsil müəssisəsinin Yerquruluşu kafedrasının müəllim və tələbələri isə Göygöl rayonundakı Kənd Təsərrüfatı İdarəsində olublar. İdarənin işləri ilə yaxında tanış olan tələbələrə "Elektron Kənd Təsərrüfatı" İnformasiya Sistemi haqqında ətraflı məlumat verilib.

Tələbələrlə birlikdə Göygöl rayonu KTF-nin toxumluq taxıl əkini sahəsinə baxış keçirilib və təqdim olunan hüquqi sənədlər əsasında həmin sahənin koordinatları müəyyən olunub.